穿戴甲點先黐得實？新手膠水用法及持久貼甲教學

新手必收！穿戴甲點先黐得夠實？專用膠水用法＋持久貼甲教學

2026-08-14

新手必收！穿戴甲點先黐得夠實？專用膠水用法＋持久貼甲教學

穿戴甲貼完一兩日就甩，未必係膠水唔夠黐。甲片尺寸唔啱、甲面有油分、膠水份量太少，或者貼甲時留有氣泡，都會影響持久度。

究竟穿戴甲點先可以黐得實？以下會由貼甲前準備、膠水份量到照燈方法逐步講解，等新手都可以喺屋企貼得平整牢固，穿戴時間可維持約2-3星期。（實際維持時間會視乎甲面狀況、操作方式及日常生活習慣而有所不同）

點解穿戴甲貼完好快甩？

常見原因包括：

⚠️ 想穿戴甲持久，關鍵唔只係膠水黐力，而係「甲片尺寸、甲面清潔、膠水份量及照燈」四方面都要做得正確。

穿戴甲專用膠點用先夠黐實？（教學步驟）

Step 1｜揀啱甲片尺寸
甲片左右兩側應該完整覆蓋真甲，但唔可以壓住兩邊皮膚。尺寸介乎兩個碼之間時，建議選較大尺寸，再輕輕修窄甲片兩側。

Step 2｜清潔甲面油分
先推走甲邊死皮，再用潔甲水或酒精徹底抹乾淨甲面。貼甲前避免使用護手霜或指緣油。

Step 3｜搽上底油並照燈
薄薄搽上一層Peel Off Base Gel，按產品指示照燈固化。底油可以作為真甲與穿戴甲膠水之間嘅保護層，方便日後卸除；實際持久度會因甲面狀況、底油厚薄及生活習慣而有所不同。

Step 4｜放入適量穿戴甲膠水
將約半粒綠豆份量嘅 Nail Tips Gel 放喺甲片背面靠近甲根位置。膠水太少容易出現空隙，太多則可能溢到甲邊。

Step 5｜從甲尖推入到甲根
將甲片打斜，以甲根為起點，高於甲面約 30 度，慢慢從甲尖推入到甲根，令膠水均勻覆蓋成個甲面。過程中保持穩定壓力，避免產生氣泡。

Step 6｜清走溢出嘅膠水
如果膠水流到甲邊或皮膚，必須先用潔甲水或酒精徹底抹走，唔可以連同皮膚一齊照燈。

Step 7｜固定甲片並照燈
保持甲片位置不動，先從甲底照燈約20秒作初步固定，再按以下時間照射甲面及甲側：

⚠️ 照燈時要確保甲面、甲側及甲底四周都能照到。實際時間須按甲片透光度、燈機功率及產品指示調整；如膠水未完全固化，請勿繼續佩戴。

選擇穿戴甲膠水，成分同使用方法同樣重要

BEHOLD一直重視產品安全。2022年，BEHOLD Professional Gel Polish在香港消費者委員會25款凝膠甲油測試中獲五星評分，並為獲五星評分品牌中唯一香港本地品牌。穿戴甲專用膠水則延續品牌重視配方及產品品質嘅方向。

BEHOLD Nail Tips Gel穿戴甲專用膠水：

請注意，消委會當年測試嘅產品係指定型號BEHOLD Professional Gel Polish，並非Nail Tips Gel。

穿戴甲點樣卸除先唔傷真甲？

穿戴甲專用膠水可令甲片貼合得更平均；需要換款時，再使用專用卸甲液軟化黏膠，避免直接硬撕甲片。

💡 新手需要準備甚麼？

想一次準備好貼甲及卸甲所需用品，可以按自己現有工具選擇：

常見問題 FAQ

Q1：穿戴甲專用膠可以維持幾耐？
A：一般可維持約2星期，視乎個人甲面狀況同日常使用習慣（例如經常落水、做家務）。

Q2：穿戴甲卸甲液會唔會傷真甲？
A：穿戴甲卸甲液係專為軟化穿戴甲黏膠而設，配合正確步驟（浸濕、輕撬、唔強行撕）使用，對真甲嘅負擔比直接用酒精或硬撕明顯較低。如出現敏感或刺激請即停用。

Q3：透明甲片同實色甲片，照燈時間有咩分別？
A：透明／透色甲片建議照燈1分鐘；實色或立體大鑽甲片因透光度較低，建議照燈3分鐘，並確保甲面、甲側及甲底位置均能照到。實際固化時間會因甲片透光度及燈機功率而有所不同；如膠水未完全固化，請勿繼續佩戴。

Q4：Nail Tips Gel有甚麼成分及使用注意事項？
A：Nail Tips Gel不含TPO、HEMA、甲醛、苯及塑化劑DBP。使用時避免膠水接觸皮膚，如有溢出，必須在照燈前徹底清潔。首次使用建議先進行小範圍測試；如出現敏感或刺激，請立即停止使用。

📍 BEHOLD 門市：觀塘駿業里8號世貿大樓905室（觀塘港鐵站A2出口，藍色天橋旁）

🕐 營業時間：週一、四、五 12–7:30pm｜週六及公眾假期 12–6pm

🛒 網上選購：www.beholdgel.hk

新手必收！穿戴甲點先黐得夠實？專用膠水用法＋持久貼甲教學